(ВИДЕО) Пензиониран руски командант: “Франција не треба да постои имаме доволно муниција да ја уништиме “

Советник на министерот за внатрешни работи на Украина, Антон Герашченко, објави видео на кое се прикажани гости во емисија на руската државна телевизија како разговараат за потенцијален воен напад врз Франција. Таа идеја стана предмет на дебата поради поддршката на францускиот претседател Емануел Макрон за Украина во војната со Русија.

На почетокот на видеото се предлага контранапад против Франција, наместо Русија само да „седи и чека“. Тогаш се вклучува Владимир Соловјов, познат пропагандист и сојузник на рускиот претседател Владимир Путин, кој повикува на превентивен напад, а не на контранапад. „Макрон ги снабдува со тенкови и ние треба да извршиме превентивен напад бидејќи тие се приклучија на конфликтот“, рече Соловјов.

Андреј Гуруљов, пензиониран руски воен командант и актуелен член на руската Дума, тврди дека Франција станува призната страна во конфликтот ако почне „отворено да нанесува штета, не плашејќи се од ништо“. „Франција не треба да постои. Имаме доволно муниција да ја уништиме “, рече тој.