ТЕТОВО: Куршум го пробил автомобилот на пензионер, проектилот завршил внатре!

На 24 јули 2025 година, во СВР Тетово бил пријавен инцидент во кој патничко возило било оштетено од огнено оружје. Според пријавата од Н.Р. (69) од село Долно Палчиште, околу 21:00 часот тој забележал дека кровот и задното ветробранско стакло на неговото возило марка „Сузуки“, со тетовски регистарски ознаки, се оштетени од зрно од огнено оружје.

При увидот во возилото бил пронајден и проектилот, што укажува на тоа дека најверојатно се работи за испукан куршум кој го погодил автомобилот додека бил паркиран. Екипа од СВР Тетово извршила увид на местото на настанот, а пронајдениот проектил е подигнат за понатамошна анализа.

Случајот е во фаза на истрага, а засега не е познато од каде е испукан куршумот и дали инцидентот бил намерен или се работи за залутан проектил.