ЕРДОГАН СИМБОЛИЧНО „ОБЕСЕН“ ВО СТОКХОЛМ! Чавушоглу: Осудата на Швеѓаните не е доволна

Чавушоглу посочи дека Шведска „не може да ги избегне своите одговорности само со осуда на инцидентот и дека е неопходно Шведска да ги исполни своите ветувања од договорот како дел од напорите за влез во НАТО“.

Турција во четвртокот го повика шведскиот амбасадор поради инцидентот, кој доаѓа по неколкумесечните напори на Стокхолм да ја добие поддршката на Анкара за кандидатурата што ја започна по руската инвазија на Украина минатата година, пренесува Ројтерс .

Чавушоглу додаде дека Турција ќе ги продолжи разговорите со Шведска и Финска за нивната кандидатура за НАТО и дека наскоро ќе одржат состанок, најверојатно во Брисел.

Шведскиот премиер Улф Кристерсон во петокот за ТВ4 изјави дека чинот е „исклучително сериозен“ и дека го смета за саботажа. Полицијата соопшти дека нема сознанија за инцидентот додека не заврши.

Турската државна новинска агенција Анадолу објави дека истрагата за инцидентот била отворена откако адвокатот на Ердоган поднел правно барање.

Поднесена е кривична пријава до Канцеларијата на главниот јавен обвинител во Анкара, со која се бара да се покрене истрага против сторителите, напиша на Твитер адвокатот на претседателот Хусеин Ајдин.

Зборувајќи на прес-конференција, Чавушоглу нагласи дека Анкара ја гледа решителноста на Стокхолм да се бори против тероризмот, но додаде дека групите што ги смета за терористички продолжуваат со своите активности во таа нордиска земја, пренесе Ројтерс.

Шведскиот министер за надворешни работи Тобијас Билстром рече дека Стокхолм го осудува инцидентот, но не се осврна директно на ниту една земја.

– Владата ја штити отворената дебата за политички избори, но силно се оградува од заканите и омразата кон политичките претставници, напиша тој на Твитер.