Неделава Левица ќе го објави кандидатот за градоначалник на Град Скопје

Полиитчката партија Левица, во текот на оваа недела ќе го објави името на кандидатот за градоначалник на Град Скопје, објави претседателот на партијата Димитар Апасиев на социјалните мрежи.

„Скопјани а бе не ви е доста од истите хоштаплерски и нехаризматични сурати од двете најголеми партии, кои сакаат да се докопаат до градската власт, за да после им шибаат бизнисите и тендерите!?

Не мислите дека е дојдено времето за свежа крв во главниот град на местото од овие рециклирани транзициски ликови кои се слуги на урбаната мафија? Затоа Левица оваа недела ќе го обзнани нашиот кандидат, а ваш сограѓанин, за ГРАДОНАЧАЛНИК за Скопје…“ пишува Апасиев.

Инаку досега со потврдени кандитати излегоа ВМРО-ДПМНЕ со Орце Ѓорѓиевски, СДСМ со Каја Шукова и ДУИ со Скендер Реџепи.