Социјалните мрежи дезинформираа – Роулинг нема рак

Интернетот деновиве беше преполн со лажна информација дека авторката на „Хари Потер“, Џ. К. Роулинг, боледува од рак. Сè започна со ироничен твит на „Икс“ кој експресно стана вирален и предизвика бран навреди и исмевање.

Портпаролот на писателката брзо реагираше: „Ова известување не е точно. Џ. К. Роулинг нема рак.“

Иако веста беше демантирана, штетата веќе беше направена – социјалните мрежи се наполнија со објави што цинично ја „погребуваа“. Според медиумите, ова ниво на омраза е последица на долгогодишните контроверзии околу нејзините ставови за трансродните лица, поради кои Роулинг често е мета на жестоки критики.