Мерко: Струга доби специјално противпожарно возило со скала – благодарност до локалните компании за поддршката

Струга доби специјално противпожарно возило со скала – благодарност до локалните компании за поддршката.

Општина Струга изразува длабока благодарност за извонредната поддршка добиена од локалните бизниси и партнерските компании, кои придонесоа за зајакнување на оперативните капацитети со противпожарна механизација, особено со опремање со специјализирано возило со скала за интервенции на високи и обемни објекти.

Во време кога јавната безбедност и брзата реакција се од суштинско значење, возилото со скала претставува незаменлив ресурс за нашиот град. Во целата држава постојат само две вакви машини – една во Скопје и една во Струга – и ние сме горди што едната е во служба на нашата заедница.

Овој напредок не би бил можен без поддршката од компаниите кои покажаа солидарност и посветеност кон граѓанската безбедност. Со особено почитување и благодарност ги истакнуваме нашите спонзори: Набизи, ПН Метал, Ми-Транс, Дрини Мал, ГП Илинден, Хотел Дрим, Трим и Лум, Вакчаре, Еркоп, Ед Билдинг, Блу Инвест, Хотел Изгрев и други субјекти.

Нивниот придонес е доказ за вредностите на соработката и општествената одговорност. Благодарение на нив, противпожарната единица е подобро подготвена, побезбедна и поспособна да се справи со предизвиците на теренот.

The post Мерко: Струга доби специјално противпожарно возило со скала – благодарност до локалните компании за поддршката appeared first on Шило Магазин.