САД соопштија дека ги продолжуваат заедничките патроли со ЈПГ/ПКК во Сирија

„Партнерските операции со Сириските демократски сили продолжија; во целост продолжија на 9 декември. Повторно, нашиот фокус е да работиме со тие локални партнери со цел да го спречиме повторното враќање на ИСИС [ДЕАШ]“

Пентагон објави дека Соединетите Американски Држави (САД) ги продолжиле своите заеднички патроли со ЈПГ/ПКК, кои претходно ги редуцираа по воздушните напади на Туркије против терористичката организација.

„Партнерските операции со Сириските демократски сили продолжија; во целост продолжија на 9 декември. Повторно, нашиот фокус е да работиме со тие локални партнери со цел да го спречиме повторното враќање на ИСИС [ДЕАШ]“, изјави на брифинг со новинарите бригадниот генерал Патрик Рајдер, портпаролот на Пентагон.

Под Сириски демократски сили (СДФ) Рајдер мисли на главниот партнер на САД во Сирија, предводени од ЈПГ.

ЈПГ е сириски огранок на ПКК, која е ставена на листата терористички организации на САД, ЕУ и Туркије.

САД соработуваат со СДФ предводени од ЈПГ во нивните напори да се спротивстават на ДЕАШ/ИСИС во североисточна Сирија, што подолго време претставува проблематична точка за билатералните односи меѓу Туркије и САД.

По терористичкиот бомбашки напад на ЈПГ/ПКК минатиот месец на фреквентната улица „Истиклал“ во Истанбул, во кој загинаа шест лица, турската војска започна воздушна операција против многу терористички позиции во Сирија и Ирак. Откако Туркије ја започна операцијата „Канџа-меч“, САД и ЈПГ/ПКК ги намалија нивните заеднички патроли во регионот.

Инаку, од 2016 година, Анкара спроведе неколку успешни антитерористички операции преку својата граница во северна Сирија со цел да спречи формирање терористички коридор и да овозможи мирно враќање на жителите.

AA