Син на полициски командир во Тетово претепал човек, жртвата со тешки повреди пренесена во Скопје

Син на командир во полициска станица во Тетово вчера вечерта физички нападнал човек кој работи во тобако, соопштија од СВР Тетово.

Очевидци велат дека Ф.Д. со стаклена флаша го удрил оштетениот А.К. по глава, по што жртвата била пронајдена во ископана дупка кај градежен објект со сериозни повреди на главата и скршени нозе.

Од СВР Тетово потврдуваат дека на 15.10.2025 околу 05:20 часот полициски службеници го лишиле од слобода 27-годишниот Ф.Д., постапувајќи по претходна пријава. Жртвата е пренесена во Комплекс клиники „Мајка Тереза“ во Скопје, а сторителот е задржан во полициска станица. По документирање на случајот, против него ќе следува соодветна пријава.

Извор: Инфомакс