Плетвар црна сообраќајна точка – Доктор Лазаров сведок на страшната несреќа: 15 години лекар, вакво нешто немам видено
Доктор Ненад Лазаров на социјалните мрежи сподели информација дека бил сведок на страшната сообраќајна несреќа вечерва на патот Прилеп-Росоман каде за жал две лица го загубија животот, а уште 5 лица се повредени.
Тој вели помагал на повредените и она што го видел не може да се опише со зборови и е повеќе од хорор, во неговата 15 годишна кариера немал видено нешто такво. Тој откри дека се работи за пет млади лица кои се повредени од кои најстариот е на околу 40 годишна возраст и апелира на внимателно возење!
“Некои хорори е добро што е невозможно да се прераскажат 
Пред 2 часа како случајни минувачи на патот помагавме на тешка сообраќајка после Плетвар кон Кавадарци, 2ца загинати и 5 души тешко повредени, најстариот околу 40 години.
Ве молам и апелирам да возите нормално и внимателно, јас сум лекар 15 години вакво нешто немам видено до сега.
Не сакам ни да видам, шокантно беше и вечерва да се молиме сите останатите 5ца сите млади да ги преживеат повредите. Сеа ми треба ракија…”, напиша тој на Фејсбук.
