Македонец баран со меѓународна потерница уапсен во Албанија

Албанската полиција синоќа го лиши од слобода Н.С. (36), државјанин на Македонија, по кого била распишана меѓународна потерница.

Како што соопшти Дирекцијата за специјални оперативни сили, апсењето е резултат на координирана акција за лоцирање на лица барани по меѓународни потерници.

Основниот суд во Куманово го барал Н.С. за издржување затворска казна во траење од две години, изречена за кривично дело „фалсификување монети“.

Покрај потерницата од Македонија, албанските власти информираат дека 36-годишникот бил баран и за извршена кражба во пристанишниот град Драч.

Случајот е предаден на Интерпол Тирана, кој, во соработка со институциите во Северна Македонија, ќе ги преземе понатамошните постапки за негова екстрадиција.