Пронајдено безживотно тело во водите на Вардар

Попладнево, околу 14:30 часот, во Територијалната противпожарна единица Велес била примена дојава за забележано безживотно тело во реката Вардар, во близина на селото Уланци.

Пожарникарите веднаш се упатиле кон местото на настанот.

Од ТППЕ Велес информираа дека е интервенирано со едно возило и двајца пожарникари-спасители. Безживотното тело било извлечено од реката и предадено на надлежните служби.

Јавната обвинителка од ОЈО Велес, Цветанка Богоевска, ја потврди информацијата и соопшти дека се преземени првични истражни мерки. Наложена е обдукција за утврдување на идентитетот и причините за смртта.