Дали страдате од чести мигрени? Пробајте метод што ги ублажува болката и непријатноста

Мигрената е често невролошко нарушување кое може да се појави ненадејно и да предизвика силна главоболка, придружена со гадење, чувствителност на светлина и звук и општ замор.

Ваквите напади често ги нарушуваат секојдневните активности и можат да траат од неколку часа до неколку дена. Иако мигрените најчесто се ублажуваат со лекови препишани од лекари, многу луѓе бараат и природни начини за намалување на интензитетот на симптомите, особено во раните фази на нападот. Меѓу методите што често се споменуваат во јавноста е едноставен пристап што некои го користат како поддршка на конвенционалниот третман.
Еден таков „домашен рецепт“ е консумирањето половина лажичка сол растворена во чаша вода. Според поддржувачите на овој метод, солената вода може да помогне во враќањето на рамнотежата на електролитите, особено натриумот, кој е вклучен во правилното функционирање на нервниот систем и крвните садови.

Електролитниот дисбаланс може да биде поврзан со симптоми како што се главоболки, гадење и вртоглавица, па во такви ситуации, некои се потпираат на овој метод како брзо олеснување.

Сепак, овие методи не се замена за медицински третман и треба да се користат со претпазливост. Особено не се препорачуваат за луѓе со висок крвен притисок, срцеви заболувања или заболувања на бубрезите, бидејќи високиот внес на сол може да ја влоши нивната состојба.

Природните методи може да обезбедат краткорочно олеснување за некои, но важно е да се консултирате со лекар за соодветен третман на мигрена.