Неверојатна изјава на Гвардиола по натпреварот со Јунајтед: Не ми е гајле, нека освојуваат и другите

Тренерот на Манчестер Сити, Пеп Гвардиола даде сосема неверојатна и неочекувана изјава по поразот на неговиот тим од Манчестер Јунајтед во големото дерби во Премиер лигата.

Сити заостанува осум бода откако лидерот Арсенал го победи Тотенхем во дербито во северен Лондон. Се чини дека титулата излегува од контрола на граѓаните, а таква е и изјавата на Пеп Гвардиола.

Шпанскиот стручњак никогаш не се откажа од трофејот, но по викенд поразот по малку рамнодушен даде изјава која привлече големо внимание.

„Не ми е гајле за Премиер лигата, не ми е гајле за Купот Карабао. Не можеме да победиме, не е важно. Ние веќе освоивме многу. Време е и другите да освојат“. – изјави Гвардиола.
Тој го коментираше и спорниот момент, односно голот кој на општо изненадување на сите гледачи беше признат, иако Маркус Рашфорд имаше влијание на играта.

„Рашфорд беше во офсајд. Се мешаше со нашиот голман и нашата одбрана“, коментираше незадоволниот Пеп.

Интересно, Јунајтед со оваа победа дојде на бод од Сити и чекор по чекор се доближи во борбата за титулата.