Град Скопје подготвува стратегија за безбеден сообраќај

Град Скопје започнува со подготовка на Градска стратегија за безбеден сообраќај, во согласност со програмата на градоначалникот Орце Ѓорѓиевски.

Стратегијата ќе се темели на концептот „Визија 0“ и ќе опфати повеќегодишни мерки и планови за периодот 2026–2030, со цел намалување на сообраќајните незгоди и жртви, со посебен акцент на безбедноста на децата. Планирано е документот да вклучи активности за подобрување на инфраструктурата, едукација, контрола и анализа на сообраќајните незгоди, како и конкретни цели по фази.