Стефковски со благодарност до дежурните служби за новогодишната ноќ

Градоначалникот на општина Гази Баба Бобан Стефковски доцна вечерва ги посети јавните служби кои имаат дежурство за време на новогодишната ноќ, изразувајќи благодарност за нивната посветеност и професионалност.

Во рамки на посетата, тој беше во станицата на Брзата помош во Ченто, Противпожарната бригада на Град Скопје, како и во Полициската станица од општа надлежност Гази Баба.

„Додека сите граѓани ја прославуваат Новата година, овие луѓе несебично се грижат за нашата безбедност и здравје“, порача градоначалникот.

Тој им изрази искрена благодарност на сите вработени во дежурните служби за нивната пожртвуваност и одговорност, посакувајќи мирна, безбедна и среќна новогодишна ноќ за сите граѓани.