Лажна СМС порака од Пошта остави гостиварец без 1500 евра

На 16.01.2026 во 13:00 часот во ПС Гостивар С.А. (34) од Гостивар пријави дека преку СМС порака добил известување и линк за наводна достава на пакет од „Пошта на Северна Македонија”.

Откако ги внел податоците од својата дебитна картичка на лажната веб-страна, од неговата сметка во неколку наврати биле извршени неовластени трансакции во вкупен износ од 89.106 денари (скоро 1500 евра) кон примач во странство.

Се преземаат мерки за расчистување на случајот.