Спектакуларно откритие на северот на Шведска: “Во овој рудник започнува самодоволноста на ЕУ и независноста од Русија и Кина!”

„Литиумот и ретките метали наскоро ќе бидат поважни од нафтата и гасот“, изјави минатата година европскиот комесар за внатрешен пазар Тиери Бретон.

Најголемото европско наоѓалиште на ретки метали – кои се користат за мобилни телефони, но и за проектили – е пронајдено во Шведска.

Во Европа во моментов не се ископуваат ретки метали, а шведскиот министер го поздрави откритието како начин да се намали зависноста на ЕУ од Кина. Имено, околу 98% од ретките метали користени во ЕУ во 2021 година биле увезени од Кина.

Откритието се смета и за „клучно“ за зелената транзиција, со оглед на очекуваното зголемување на побарувачката за електрични возила и турбини на ветер.

Наводно, повеќе од еден милион тони ретки метали се пронајдени на крајниот север на Шведска.

Иако откритието е значајно, според проценките на САД тоа е само дел од светските резерви од 120 милиони тони, според Би-Би-Си.

Терминот се однесува на група од 17 елементи кои се користат за создавање низа производи и инфраструктура кои се сè поважни за секојдневниот живот.

Тие можат да се најдат во мобилните телефони, хард дисковите и возовите, а некои се од суштинско значење за воена опрема како што се системите за наведување проектили.

Побарувачката за нив се очекува да се зголеми петкратно до 2030 година, но нивното извлекување е тешко и потенцијално штетно за животната средина.

„Литиумот и ретките метали наскоро ќе бидат поважни од нафтата и гасот“, изјави минатата година европскиот комесар за внатрешен пазар Тиери Бретон.

Говорејќи на прес-конференција во четвртокот, шведскиот министер за енергија Еба Буш рече дека ЕУ е „премногу зависна од други земји“ и инсистира на промени.

Во рудникот ќе започне електрификацијата, самодоволноста на ЕУ и независноста од Русија и Кина, тврди таа.

Извршниот директор на рударската компанија ЛКАБ Јан Мостром истакна дека новооткриените суровини можеби нема да стигнат на пазарот 10-15 години, бидејќи поради проценката на еколошкиот ризик, процесите за издавање дозволи траат долго.