ЗАГРИЖУВАЧКА АНКЕТА – Виена останува без лекари? Дури 75 отсто од нив во болниците сакаат да се откажат

Јасно е што гореспоменатото загрижувачко истражување им кажува на здравствените власти во градот Виена. Но, што значи тоа за болните Виенци, кои мораат да одат во болница со веќе горчлив вкус во устата, наскоро ќе се слушне, пишуваат локалните медиуми.

Истражувањето на јавното мислење на австрискиот институт Стратегии за јавно мислење, на чело со Петер Хајек, спроведено на барање на Лекарската комора на градот Виена, покажа алармантен резултат. Дури две третини или 75 отсто од лекарите вработени во виенските болници ги достигнаа границите на своите сили и размислуваат да дадат отказ.

Пред се, поради огромниот обем на работа: Дури 91 отсто од болничките лекари од вкупно 1.894 кои учествувале во истражувањето на јавното мислење изјавиле дека не очекуваат значително да се промени ситуацијата и затоа се блиску до оставка. 55 отсто од нив тврдат дека нема шанси состојбата да се подобри, туку напротив, да станува полоша и полоша.

Резултатот од истражувањето, кое ги повикува на аларм „градските татковци на Виена“, бил претставен на јавноста во Виена. Како што беше истакнато, станува збор само за виенски државни болници и други здравствени установи.

„Јавниот здравствен систем станува се помалку атрактивен за вработените. На колегите им е доста да се грижат за пациентите како на подвижна лента. Тоа не одговара, и со право, на нивниот медицински третман и процедури“, рекол Стефан Ференци, шеф на лекарите вработени во болниците и потпретседател на Лекарската комора на Град Виена.

Ференци ги советувал сите кои раководат со државните болници брзо и внимателно да размислат како да го зголемат задоволството на медицинскиот персонал, за да можат да го задржат. Советникот за здравство на Град Виена и првиот човек одговорен за здравство во австриската престолнина, социјалдемократ, Питер Хакер апелираше на единство и ги повика сите засегнати „да одат дел од патот заедно, за болничкото лекување на виенското население може да се стави на цврсти темели“.

Јасно е што гореспоменатото загрижувачко истражување им кажува на здравствените власти во градот Виена. Но, што значи тоа за болните Виенци, кои мораат да одат во болница со веќе горчлив вкус во устата, наскоро ќе се слушне, пишуваат локалните медиуми. Според сето горенаведено, очигледно не е сè во Виена толку „розово“ како што често се мисли или кажува. Она што е целосно видливо е дека пандемијата на коронавирус, и покрај сите здравствени и медицински успеси на градот Виена, остави и се уште остава огромни последици за оние кои речиси три години деноноќно се бореа во болниците, особено во одделенијата за интензивна нега , да се спаси секој човечкиот живот. Затоа, не само што треба да бидат пофалени и наградени, туку и да им се даде можност барем малку да се одморат од тој огромен стрес.