Отворен нов наплатен пункт на Водовод во општина Ѓорче Петров

Јавното претпријатие Водовод и канализација – Скопје, со цел да овозможи поголема достапност на услугите за своите корисници, отвори нов наплатен пункт во општина Ѓорче Петров. По тој повод, директорот на претпријатието, Иван Митровски, изврши увид во функционирањето и подготвеноста на новоотворениот наплатен пункт.

Со отворањето на овој наплатен пункт, на корисниците им се овозможува плаќање на месечните сметки, проверка на состојбата на долгот за потрошена вода и пријавување на состојбата на водомерите.

Наплатниот пункт е лоциран во постоечкиот објект на ЈП Водовод и канализација -Скопје, на улица Ѓорче Петров, до Тинекс маркетот, и ќе работи секој работен ден од 07:30 до 15:00 часот.

Воедно, Ве информираме дека наплатниот пункт во Сарај е затворен.

ЈП Водовод и канализација – Скопје продолжува посветено со обезбедување достапни и квалитетни услуги, секогаш во интерес на граѓаните.