Првиот позитивен случај на допинг пред Зимските олимписки игри во Италија

Ребека Песлер беше суспендирана по позитивниот допинг тест утврден од Антидопинг агенцијата на Италија (NADO), поради супстанцијата летрозол метаболит, кој се користи за намалување на нивото на естроген и често е присутен во терапиите за рак на дојка, пренесуваат светските медиуми.

Италијанскиот олимписки комитет потврди дека таа веднаш е исклучена од олимпискиот тим, што е првиот позитивен случај на допинг пред Игрите во Милано и Кортина.

Песлер го постигна својот најдобар резултат во 2024 година на Светското првенство во биатлон во штафетата 4×6 км, а наместо нејзиниот прв настап на Олимписките игри, таа се соочува со подолга суспензија.

Нејзиниот чичко Јохан Песлер е двократен светски шампион и освојувач на олимпискиот бронзен медал во 1988 година.

Фото: ЕПА