Повредена жена во експлозија во охридско село

Од ТППЕ Охрид информираа дека денеска интервенирале по разорна експлозија во куќа во охридското село Велгошти. Екплозијата била предизвикана од зголемена концентрација на плин.

„Експлозијата е предизвикана од зголемена концентрација на гасови (плин) и останати фактори, кои допринеле за високо ниво на експлозивност. Благодарение на брзата реакција на пожарникарите спречено е и опожарување на објектот. Повредена е и жена која е преземена од екипите на Брза помош“, велат од ТППЕ Охрид.