Националниот совет на Бугарската социјалистичка партија даде мандат за преговори за нова влада

– Националниот совет на Бугарската социјалистичка партија одлучи да и даде мандат на пратеничката група на „БСП за Бугарија“ да води преговори за формирање влада. Тоа го соопшти лидерот на БСП, Корнелија Нинова, на прес-конференција по состанокот на партискиот пленум.

„Чекорите што ќе ги преземеме по денешната одлука се неколку. Ќе ги повикаме лидерите на средба, ќе поставиме пет прашања за дискусија“, додаде Нинова.

Таа ќе разговара со лидерите на останатите пратенички групи дали има политичка волја за формирање влада.

„Сакаме искрен и отворен разговор, ако имаме разлики и не можеме да се собереме – да ги објавиме“, коментира лидерот на БСП, додавајќи дека следни теми за разговор ќе бидат какви задачи ќе и се доделат на таа влада, со кој мандат, политички, експертски или мешовит и каков ќе биде форматот на одлучување.

„Добар почеток е што сите парламентарни сили кажаа дека се подготвени да се вклучат во разговори. Не поставуваме линии на поделба, туку бараме што не обединува“, рече лидерот на БСП.