(ВИДЕО) Надал се расправаше со српската судијка, се пожали на судењето: „Тебе ништо не ти е важно“

Шпанецот се скарал со Маријана Вељовиќ за време на натпреварот на Австралија опен, каде што на крајот загуби

Рафаел Надал доживеа болен пораз во второто коло на Австралија Опен, кој како бранител на титулата го заврши натпреварувањето откако загуби од Мекензи Мекдоналд со 3:0 во сетови.

Но, пред да го напушти турнирот Рафа имаше жестока расправија со Србинката Маријана Вељовиќ, која беше судија во фотелјата на оваа средба.

Надал не му се допадна што Вељовиќ постојано го брзаше меѓу поени. Тенисерите имаат 25 секунди меѓу поените на Грен слемовите во кои треба да го започнат следниот поен, а проблеми со тоа имаше Шпанецот кој е познат како некој на кој му треба многу време.

Така, при резултат 4:1 за Американецот во првиот сет, Надал се скара со Вељовиќ.

„Со тебе секогаш брзам. Дури и кога сервирам нормално, на часовникот гледам дека времето истекува, пет, четири, три секунди. Кај тебе секогаш е исто, тебе ништо не ти е важно. Гледаш каде е пешкирот, на далечната страна на теренот. Велиш дека се обидуваш да разберете, но не“, рече Надал.

Вељовиќ реагираше мирно и смирено, обидувајќи се да му објасни дека има уште некои правила кои мора да се почитуваат. Надал и понатаму беше нервозен, а после се заработи повреда на колкот која дополнително го ослабна и влијаеше на неговиот убедлив пораз.