Русите објавија мапа на која Крим и Донбас се дел од Украина

Амбасадата на Русија во Шведска објави мапа на која се прикажани Крим и Донбас под Украина.

Вчера на профилот на Амбасадата на Twitter ги објавија цените на гасот низ Европа, наведувајќи ги Русија и Белорусија како земји каде е најевтин. На објавената мапа се прикажани цените во сите други европски земји, вклучително и Украина.

Но, поинтересно од објавата е мапата на која во рамки на Украина е Крим, кој беше припоен од Русите во 2014 година и сите области кои беа анектирани од Русите пред неколку месеци. Накратко, Украина е објавена на оваа руска мапа во меѓународно признатите граници.