(Фото) Деми Мур го прекина молчењето: ја откри вистинската причина за драстичната промена на имиџот

Актерката Деми Мур неодамна предизвика голема возбуда на Неделата на модата во Милано кога покажа драстична промена на својот имиџ на ревијата на Гучи.

Покрај младешкиот изглед, таа претстави и нова фризура. Ја замени својата препознатлива долга коса со боб, а за ревијата се одлучи за популарната варијанта „мокар боб“.

Оваа промена ги загрижи многуте обожаватели, а разни шпекулации почнаа да кружат на мрежите. Сепак, Деми Мур сега го прекина молчењето и ја откри вистинската причина за нејзината фризура. Зад виралниот боб, всушност, стои перика.

„Тоа е мојот начин да се изразам себеси и да се вратам кон себе, а оваа постојана врска со мојата долга коса е нешто што ми дава стабилност и чувство на дом, без разлика каде сум или што правам“, рече Деми Мур за време на настанот „Power Talks“, организиран од брендот Kérastase.