ВИДЕО: Вучиќ тврди дека не носел автоматска пушка во војната во Босна: “Лажат, тоа беше чадор, а не носев ниту пиво на Шешељ во Сараево”

Во емисијата се коментираше и видеото на кое се гледаат Вучиќ со Шешељ на ридот над Сараево за време на опсадата на тој град

Претседателот на Србија, Александар Вучиќ неодамна беше гостин во емисијата Чирилица на телевизија Хепи. Тој се пожали дека „Србите постојано се напаѓаат“ во регионот. „Кога некој ќе уринира во џамија, ќе кажам дека е тоа страшно и никому не му доликува. За нив е проблем Србите тоа да го изговорат… Ја сакаат Србија понижена и на колена, никако поинаку. Кога Србија почна да се крева, тие велеа дека Србија се вооружува. Не сум рекол ништо против Бошњаците во последните десет години“, рече меѓу другото, жалејќи се дека ниту ОН, ниту САД, ниту Европската унија не реагираат кога Србите се тие кои се “нападнати”, пренесува Danas.rs.

Во емисијата се коментираше и видеото на Вучиќ со Шешељ на ридот над Сараево за време на опсадата на тој град. На видеото се гледа дека српскиот претседател во таа прилика носел автоматска пушка. “Лажат, тоа беше чадор, на фотомонтажата поставија пушка наместо чадор”, рече тој и додаде дека не му донел пиво во Шешељ бидејќи Шешељ не пие пиво.

Тој уште еднаш се осврна на случајот Јасеновац и се пожали дека “тоа што не смее да оди е кривично дело”.