Бесплатна психолошка поддршка на онколошки пациенти од Општина Карпош

Општина Карпош започнува со реализација на проект за психолошка поддршка на онколошки пациенти со цел да им обезбеди бесплатна, стручна и континуирана поддршка на пациентите, жени и мажи, преку организирање на групни терапевтски средби.

Во период од 9 месеци, со почеток од април 2026 година, ќе се реализираат групни сесии во кои учесниците ќе добијат: безбеден простор за споделување, емоционална поддршка, техники за справување со стрес и анксиозност и чувство на заедница и разбирање.

„Главната цел на овој проект кој е дел од програмските активности од областа на еднаквите можности меѓу жените и мажите за оваа година, е подобрување на менталната благосостојба, намалување на анкзиозноста и зајакнување на психолошката отпорност и емоционалната стабилност кај учесниците“, велат од Општина Карпош.

Средбите ќе бидат реализирани од стручен тим предводен од лиценциран психолог Тамара Стојчевска.

Сите заинтересирани граѓани може да се пријават на тел.број 076/439-663

Текстот Бесплатна психолошка поддршка на онколошки пациенти од Општина Карпош е превземен од МАКФАКС.