Реал Мадрид не го сака Роналдо помладиот

Реал Мадрид не планира да го потпише синот на Кристијано Роналдо во својата академија, објави „КОПЕ“.

Петнаесетгодишниот Кристијано Роналдо помладиот неодамна тренираше со тимот на Реал Мадрид до 16 години. Тинејџерот игра за младинскиот тим на Ал Наср, додека неговиот татко игра за првиот тим на клубот од Саудиска Арабија.

Според информациите од овој извор, Реал не ја разгледува можноста да го доведе Роналдо помладиот. Нему му е дозволено да тренира со своите врсници од академијата за да остане во форма, бидејќи во моментов не може да тренира во академијата на Ал Наср поради сложената ситуација на Блискиот Исток.

Неговото семејство моментално се наоѓа во Мадрид. Легендарниот Кристијано Роналдо играше за Реал Мадрид од 2009 до 2018 година и имаше 438 настапи со 450 голови и 131 асистенција во сите натпреварувања.