Тепачка во угостителски објект во Карпош

Групна тепачка се случила вчеравечер во угостителски објект во скопската општина Карпош, а учесните искршиле дел од инвентарот во локалот, соопшти МВР.

„На 31.03.2026 околу 23:30 часот, во СВР Скопје е пријавена физичка пресметка во угостителски објект на подрачјето на Карпош. Во инцидентот учествувале Е.С.(30) и И.Д.(33) од една страна и П.Т.(50) и Н.Ѓ.(43) од друга страна, сите жители на Скопје. При тепачката, Е.С. бил удрен со тврд предмет, а дел од инвентарот во објектот бил оштетен. Полицијата презема мерки за расчистување на случајот и утврдување на сите околности околу настанот“, се вели во полициското соопштение.