ДОБРА ШЕГА / Кајли Џенер објави фотографии од одморот, а Тимоти ги искористи како инспирација
Кајли, која има две деца со поранешниот партнер Тревис Скот, го поддржа Тимоти на доделувањето на Оскарите, како и на други доделувања на награди.
Актерот Тимоте Шаламет (30) покажа како да го украде вниманието, овој пат „позајмувајќи“ пози од фотографиите на неговата девојка Кајли Џенер (28) од нивниот одмор.
Кајли, облечена во бикини, сподели серија фотографии на Инстаграм од нивното романтично бегство на неименуван остров. Кратко потоа, Шаламет објави речиси идентични фотографии, но со себе во главната улога.
Како што се очекуваше, објавите на Кајли добија повеќе лајкови – 3,6 милиони, додека објавите на Тимоти останаа на 1,7 милиони. Сепак, ова веројатно не беше неговиот најголем неодамнешен „пораз“. Многумина предвидуваа дека ќе го освои својот прв Оскар за филмот „Марти Суприм“, но наградата за најдобар актер сепак му припадна на Мајкл Б. Џордан (39) за филмот „Грешници“.
Кајли, која има две деца со својот поранешен партнер Тревис Скот, го поддржа Тимоти на Оскарите, како и на други доделувања.
На доделувањето на наградите „Избор на критичарите“ во јануари, каде што беше прогласен за најдобар актер, тој ѝ рече од сцената: „Те сакам. Не би можел да го направам ова без тебе“.
Двојката е во врска од јануари 2023 година, кога се запознаа на ревијата на Жан Пол Готје за време на Неделата на модата во Париз, и судејќи според овие објави, се чини дека нивната врска „плива“ во одлична насока.
Следете не, не има насекаде
