(Видео) ПСЖ лесно се справи со Ливерпул

Фудбалерите Пари Сен Жермен го победија Ливерпул со 2:0 во првиот натпревар од четвртфиналето на Лигата на шампионите.

ПСЖ доминираше против Ливерпул и повеќе од заслужено победи пред реваншот на „Енфилд“. Според се она што се случуваше на теренот, играчите на Ливерпул можат да бидатзадоволни со поразот од два гола.

Првиот гол дојде во 11-та минута преку Дезире Дуе, која го совлада Мамардашвили со феноменален удар од далечина. Интересно е што во првото полувреме „Црвените“ не создадоа ниту една сериозна шанса, едвај поминаа на полвината на ПСЖ, имаа 25 отсто од поседот на топката и ниту еден удар кон противничкиот гол.

Во второто полувреме „Црвените“ беа уште полоши.

Во 65-та минута, Хвича Кварацхелија направи одличен соло пробив по брилијантното додавање од Невеш и практично се прошета до голот на гостите за 2:0.

Парижаните продолжија да напаѓаат, а во 72-та минута добија пенал. Сепак, по гледањето на ВАР, одлуката беше поништена, но големото прашање е дали тоа беше правилна одлука.

На крајот, Усман Дембеле ја погоди стативата во 87-та минута, помалку од две минути подоцна, Хакими и Дембеле речиси имаа два на нула, но не ја искористија предноста, а во судиското продолжение, ПСЖ лесно можеше да добие уште еден пенал, но ништо не се случи…

Реваншот во Ливерпул се игра во вторник.

foto/ EPA