ЧУДО ОД АВТОМОБИЛ – Лука Дончиќ на мечот дојде во „тенк“ вреден 200.000 долари (ВИДЕО)

Кога синоќа на паркингот на центарот на Американ Ерлајнс во Далас се појави скапиот теренец Apocalypse 6×6 Hellfire, многумина мислеа дека тоа ќе биде војник, а не еден од најдобрите кошаркари на денешницата.

Словенецот Лука Дончиќ е еден од најплатените кошаркари на денешницата, па не му било тешко да издвои 200.000 долари за „чудо од автомобил“.

Така тој дојде на натпреварот против Атланта со теренецот Apocalypse 6×6 Hellfire, кој личи на воено возило, а многумина го нарекуваат „тенк“.

Apocalypse 6×6 Hellfire има шест тркала, дури 707 коњски сили, а го придвижува 6,2-литарски V8 Corvette мотор.
Тој е еден од најмоќните и најбрзите теренци во светот, а Дончиќ е сопственик на еден од само 140 примероци кои постојат

Инаку, Дончиќ одигра уште една одлична партија против Атланта. Постигна 30 поени, имаше 4 скока и 8 асистенции, но неговиот Далас беше поразен со резултат 130:122.