Жичницата на Водно денеска нема да работи од безбедносни причини

ЈСП Скопје ги известува своите корисници дека денес, жичницата на Водно нема да продолжи со работа поради засилен ветер.

Од таму посочуваат дека јачината на ветерот ги надминува дозволените граници како објектот би функционирал непречено и безбедно.

„Надлежните служби ја следат состојбата на терен и во оној момент кога ќе се создадат соодветни временски услови за работа, жичницата ќе продолжи со непречено превезување на патниците“, велат од ЈСП Скопје и воедно се заблагодарија за разбирањето.