На аукција е ставен моделот „Џордан 191“

На пазарот на колекционерски автомобили се појави вистинска реткост, на продажба е модел на автомобил „Џордан 191“ со број на шасија 6.

Станува збор за моделот што пред 35 години, во светото на Формула 1 влезе легендарниот Михаел Шумахер. Овој модел, со впечатлива зелена боја, остана речиси непроменет до ден-денес, и како што стојат работите, само некој со исклучително длабок џеб ќе може да го вклучи во својата колекција.

Приказната за овој модел започна на Хунгароринг, каде што Андреа де Чезарис го демонстрираше својот квалитет пробивајќи се низ поредокот и навестувајќи дека тимот „Џордан“ има сериозен потенцијал.

A MICHAEL SCHUMACHER FILM IS COMING!!!

The Kaiser, portraying the beginning of Michael Schumacher’s career. pic.twitter.com/335SZf6hYO

— La Gazzetta Ferrari (@GazzettaFerrari) April 12, 2026

Сепак, неговиот вистински историски момент се случи подоцна, на познатата патека Спа-Франкоршамп.

Откако тогашниот возач Бертран Гашо заврши во затвор, младиот Михаел Шумахер доби шанса. И покрај неговото неискуство, тој остави силен впечаток, по што подоцна на голема врата влезе во Формула 1.

Интересно е што во 2021 година, автомобилот повторно се најде во центарот на вниманието, кога синот на легендата, Мик Шумахер го возеше на патеката Силверстоун, опишувајќи го искуството како исклучително емотивно.

Цената на овој автомобил не е јавно објавена, туку се доставува на барање, но на сите им е јасно дека станува збор за повеќемилионска сума.