Скопски таксист „одрал“ странски турист – 7.800 денари од Центар до Средно Водно

Странски турист во Скопје бил непријатно изненаден по возење со такси, кога за кратка релација му била наплатена значително повисока сума од очекуваната.

Според информациите од Министерството за внатрешни работи, случајот бил пријавен на 20.04.2026 година во 20:40 часот во СВР Скопје од страна на швајцарскиот државјанин Б.Ф.П.Х. (43).

Тој пријавил дека користел такси превоз од центарот на Скопје до Средно Водно, при што возачот му побарал и наплатил 7.800 денари. Откако патникот реагирал дека сумата е значително повисока од вообичаената тарифа, таксистот, според пријавата, станал агресивен и со возилото го напуштил местото.

Полицијата работи на расчистување на случајот и утврдување на сите околности поврзани со настанот, објави МВР.