Уште една голема прослава е на повидок: Дуа Липа ја објави својата венчавка

Свадбата е закажана да се одржи во Палермо, Сицилија, и ќе трае три дена.

Популарната пејачка Дуа Липа оваа година стапнува на „лудиот камен“. Италијанските медиуми објавуваат дека таа и британскиот актер Калум Тарнер, по помалку од една година врска, веќе го одбрале датумот и местото на нивната свадба.

Свадбата е закажана да се одржи во Палермо, Сицилија, и ќе трае три дена – од 5 до 7 септември. Ова место има посебно значење за нив, бидејќи го посетија заедно минатата година и целосно се заљубија во него, а многумина веруваат дека токму таму падна и предлогот за брак.

Двојката е во врска од јануари 2024 година и не ја кријат својата љубов – често споделуваат заеднички фотографии и моменти со своите следбеници.

Пред оваа врска, Дуа беше во долгогодишна врска со Исак Керју, потоа со Анвар Хадид и режисерот Ромен Гаврас. Од друга страна, Тарнер претходно беше во врска со актерката Ванеса Кирби.

Нивната свадба ќе биде една од најгледаните оваа година, заедно со веќе најавената свадба на Тејлор Свифт, која ќе се одржи во Њујорк.