Џеко ќе биде целосно подготвен за СП

Един Џеко (40) се врати на тренинзите откако се здоби со повреда на рамото на натпреварот против Италија на крајот на март. Закрепнувањето на Џеко оди според планот, а најдобар доказ за тоа е фактот што тој повторно тренира. Засега работи индивидуално, но најважно е процесот на рехабилитација да напредува според планираноот.

Шалке се надева дека Џеко би можел да биде подготвен за натпреварот против Нирнберг на 9 мај. Со оглед на тоа што веќе почнал да тренира, можеби дури и ќе биде во конкуренција за натпреварот против Фортуна Дизелдорф на 2 мај.

Секако, главен приоритет е неговото целосно закрепнување за да биде подготвен за Светското првенство.

Неговиот клуб Шалке моментално е водечки тим во Втората Бундеслига со 61 бод, што е три бода повеќе од Падерборн, кој е на второто место. Падерборн е следниот противник на Шалке, а натпреварот се игра на гости.

Што се однесува до Светското првенство, репрезентацијата на Босна и Херцеговина е сместена во групата Б, заедно со Швајцарија, Катар и Канада.

Прв противник на Босна и Херцеговина ќе биде Канада, а натпреварот е закажан за 12 јуни во Торонто.

Foto/ EPA