Ираола прв фаворит за иден менаџер на Челзи

Шпанскиот тренер, Андони Ираола (43) бил сериозно заинтересиран да го преземе Челзи, тврди италијанскиот новинар Фабрицио Романо.

Актуелниот тренер на Борнмут веќе објави дека ќе ја напушти клупата на популарните „цреши“ на крајот од сезоната, а Романо додава дека сака да продолжи да работи во Премиер лигата.

Челзи моментално го води Калум Мекфарлан, кој седеше на жешката клупа по втор пат оваа сезона, по отпуштањето на Лиам Розениор, кој помина само 106 дена на кормилото на „сините“.

Токму Ираола се смета за еден од главните фаворити, а неговата позиција во овој поглед е дополнително зајакната, по јавното отфрлање на Френк Лампард и Сеск Фабрегас, кои се дистанцираа од работата на „Стемфорд Бриџ“.

Со Челзи се поврзуваат и Оливер Гласнер, Чави Ернандез, Чаби Алонсо, Марко Силва и Јулијан Нагелсман, но Ираола моментално е фаворит број 1.

Шпанецот исто така се поврзуваше со работата во Манчестер Јунајтед, но се чини дека е сè поверојатно дека на „Олд Трафорд“ ќе се одлучат за сегашниот привремен менаџер Мајкл Керик.

Foto/ Depositphotos