Истра ѝ го врати левиот бек на Австрија Виена!
После само една полусезона, иако имаше едногодишен заем во хрватска Истра, некогашниот младински репрезентативец Филип Антоски се враќа во австрискиот гигант за кој нема настап за првиот тим и откако направи трансфер во овој клуб играше само за Б-тимот.
Некогаш големата македонска надеж, кој играше за младинската репрезентација и сите го гледаа како „природен“ наследник на Езџјан Алиоски во иднина на левата бековска позиција во А-тимот, има сериозен пад во кариерата што најдобро го отсликува ова враќање од заемот од Истра, зашто тешко дека Австрија Виена сериозно ќе смета на него за пролетниот дел, па пак ќе го испрати најверојатно на некој друг заем до крај на сезоната.
