Без дозвола, со забрана и пијан зад волан – 10 возачи приведени

Во текот на изминатото деноноќие, полициските службеници на целата територија на државата лишиле од слобода 10 возачи поради безобѕирно управување моторно возило и сериозни сообраќајни прекршоци.

Според информациите од Министерството за внатрешни работи, седум од приведените управувале возила без возачка дозвола, двајца возеле иако имале активна забрана за управување, додека еден возач бил затекнат како управува возило под дејство на алкохол.

Од нив, двајца возачи биле приведени во Куманово, а по еден во Скопје, Тетово, Крива Паланка, Кочани и Валандово поради возење без дозвола.

Дополнително, по еден возач во Охрид и Дебар биле затекнати зад волан иако имале активна мерка забрана за управување.

Еден возач во Скопје бил лишен од слобода поради управување возило под дејство на алкохол.

Од МВР информираат дека по целосно документирање на случаите против сите лица ќе бидат поднесени соодветни кривични пријави.

Надлежните повторно апелираат до сите учесници во сообраќајот да ги почитуваат правилата и прописите, да не седнуваат зад волан без положен возачки испит, со изречена забрана или под дејство на алкохол, со цел заеднички да се придонесе за побезбедни патишта.