Компани: Пробавме сè, но тие се најдобри

Баерн Минхен не успеа да се пласира во финалето на Лигата на шампионите откако беше елиминиран од Пари Сен Жермен. По поразот 5:4, во првиот меч, во реваншот одиграа 1:1. Тренерот на баварскиот гигант, Венсан Компани, не го криеше своето разочарување по натпреварот.

„Тешко е да се прифати ова, загубивме со минимална разлика. Му париравме на Пари Сен Жермен, мали детали ги решаваат ваквите натпревари. Нашето прво полувреме беше добро, имав чувство дека сме подобриот тим и често влегувавме во зоните каде што сме опасни, но Пари Сен Жермен ги бранеше нафрлувањата многу добро. Беа многу активни. Иако влегувавме во опасни ситуации, се погрижија да не го испратиме последниот удар“, рече Компани и продолжи.

„Енергијата е секогаш основа, а тимот повторно го покажа тоа. За жал, не сме во финалето. Мора да признаеме дека игравме против одличен противник. Лигата на шампионите сега е завршена за нас, но ќе има уште моменти и нови можности, што е голема мотивација за мене.

Нивото на двата тима беше многу, многу високо. Пари Сен Жермен има огромен квалитет, тие се веројатно најдобриот тим во Европа во последните две години. Игравме против нив пет пати досега – двапати победивме, двапати загубивме и еднаш завршивме нерешено. Се обидовме со сè, морам да го кажам тоа. Честитки до Пари Сен Жермен, ние ќе се обидеме повторно“, рече Компани.

Foto/ EPA