Сколс за Арсенал: Досадни се и никој нема да ги памети

Пол Сколс, верува дека Арсенал е „досаден“ тим кој брзо ќе исчезне во заборав, дури и ако ја освои титулата во Премиер лигата. Легендата на Манчестер Јунајтед верува дека играта на Арсенал е често премногу бавна и не е импресиониран од нивните перформанси против врвни клубови.

Арсенал ќе ја обезбеди титулата ако ги добие преостанатите три натпревари, со оглед на тоа што се пет бода пред Манчестер Сити, кој има натпревар помалку.

„Не мислам дека тие ќе бидат најдобрите шампиони што некогаш сме ги виделе. Не мислам дека ќе зборуваме за овој тим со години, како што зборуваме за големите тимови на Јунајтед. Не мора секогаш да ги победувате најдобрите тимови. Тие не ги победиле Сити или Ливерпул, најдобрите тимови во последните пет или шест години. Затоа не мислам дека луѓето ќе зборуваат за нив како за голем тим“, рече Сколс во подкастот „Stick to Football“.

„Знам дека можеш да се извлечеш без да победиш во тие натпревари, секако дека можеш, но за да бидеш голем тим, мора да одиш и да ги победиш тие ривали. Тие не го победија Сити, не го победија Ливерпул, а Јунајтед ги победи“, додаде Сколс.

Сколс инсистира дека стилот на игра на Арсенал не му се допаѓа.

„Можеш да победиш на различни начини, само сакам да кажам дека тоа не е тим што постојано би го гледал. Ги гледавме голманот Давид Раја и дефанзивците како само додаваат и додаваат. Беше здодевно.“

Foto/ Depositphotos