(Видео) Милан е во длабока криза, загуби дома од Аталанта

Фудбалерите на Милан претрпеа пораз од Аталанта на домашен терен со 2:3 во 35-то коло од Серија А.

Стрелци за тимот од Бергамо беа Едерсон во 7-та минута, Давиде Запакоста во 29-та и Џакомо Распадори во 52-та минута.

Се чинеше дека домашниот тим ќе претрпи катастрофа, но на крајот речиси освои бод.

Во последните неколку минути, домашните конечно се разбудија, но само за да ја спасат честа и да го ублажат поразот. Стрелец на првиот гол за Милан беше Страхиња Павловиќ во 88-та, а во 94-та минута Кристофер Нкунку го постави конечниот резултат од пенал.

Милан го чека 36-то коло на петтото место, со ист број на бодови како Рома, а Комо заостанува со два бода…

Сезоната која до неодамна беше доста одлична за Милан, се заканува да се претвори во катастрофа.

Foto/ EPA