Лекарка предупредува: Овие производи од пазар може да биде „бомба од бактерии“ ако не се чува правилно

Со доаѓањето на високите температури, лекарите предупредуваат граѓаните да бидат особено внимателни при купување храна на пазарите, бидејќи одредени производи многу брзо можат да станат опасни за здравјето ако не се чуваат на соодветна температура.

Најризични се сувомеснатите производи, свежото сирење, павлаката и другите млечни производи кои долго стојат без ладење.

„Колку намирницата има повеќе вода, толку е поподложна на расипување. Кај месото особено е проблематично ако не е добро исушено околу коските, бидејќи таму можат да се развијат опасни бактерии“, предупредува таа.

Експертите објаснуваат дека главниот проблем настанува кога чувствителната храна со часови стои на топлина, иако визуелно може да изгледа свежо и безбедно.

Посебен ризик претставуваат:

• колбасите,
• шунката,
• сланината,
• чварките,
• свежото сирење,
• павлаката,
• месото што не е правилно складирано.

Лекарите предупредуваат дека токму високите температури овозможуваат брз развој на бактерии кои можат да предизвикаат сериозни труења со храна.

Под лупа се најдоа и сè попопуларните свежо цедени сокови што се продаваат на отворено во текот на летото. Според стручњаците, ако стојат подолго време на сонце или висока температура, тие можат брзо да станат микробиолошки небезбедни.

Дополнително, дел од ваквите пијалаци содржат и големи количини шеќер.

Ниту јајцата и зеленчукот не се целосно без ризик. Лекарите советуваат да се избегнува купување јајца кои долго стојат на топли тезги без ладење, бидејќи така се зголемува ризикот од развој на опасни бактерии.

Кај зеленчукот, предупредувањето се однесува на промени во мирисот, текстурата или појава на мувла, што може да биде знак дека производот веќе не е безбеден за консумирање.

Стручњаците препорачуваат храната во летниот период да се купува исклучиво од проверени продавачи кои имаат соодветни услови за чување и ладење на производите.

Дополнително советуваат:

• намирниците што побрзо да се стават во фрижидер,
• месото и јајцата добро термички да се обработат,
• млечните производи да не стојат долго на собна температура,

а храната купена на жешко време да се консумира што е можно побрзо.

Лекарите потсетуваат дека симптомите на труење со храна можат да вклучуваат мачнина, повраќање, дијареја, болки во стомакот и покачена температура, а кај чувствителни групи како деца и постари лица компликациите можат да бидат сериозни.