На полноќ истекува десет дневната клаузула во договорот на Мурињо

Жозе Мурињо денес ќе стане нов тренер на Реал Мадрид, или во спротивно, како што објасни „Марка“, целата приказна за враќањето на Португалецот на клупата на шпанскиот гигант ќе има многу понеизвесен исход.

Имено, по пристигнувањето во Бенфика во септември 2025 година, Мурињо стави клаузула во договорот дека може да го раскине договорот 10 дена по последниот натпревар.

Ова беше направено од практични причини, бидејќи во тој момент претседателските избори во португалскиот клуб беа во полн ек, а сегашниот претседател Руи Кошта не знаеше дали ќе го победи противникот Жоао Нороња Лопез.

Мурињо, како и Коста, сакаа да се обезбедат со клаузулата во случај да ги изгубат изборите.

Затоа, по завршувањето на сезоната минатата сабота, Мурињо истакна дека „следните десет дена ќе бидат клучни за него при донесувањето одлука“.

Одлуката е веќе донесена, бидејќи Мурињо постигнал договор со Флорентино Перез околу враќањето во Мадрид, но денес на полноќ истекува клаузулата, по што таа ќе престане да важи, што значи дека Реал би морал да плати повеќе од седум милиони евра бруто обештетување бидејќи договорот на Португалецот важи до јуни 2027 година.

Според португалските медиуми, Мурињо пристигнал во Мадрид синоќа, за да може „бомбата“ да експлодира денес, дека тој е новиот тренер на Реал.

Ако тоа не се случи, тогаш ќе биде многу појасно дека Флорентино Перез не е сигурен дека го држи мнозинството во раководството на Реал и дека би можел да ја изгуби власта на изборите.

Foto/ Depositphotos