Шведската полиција дозволи антитурски протест во Стокхолм, најавено и палење на Куранот
Ултарадесничарот и антиисламистички активист од Данска, Расмус Палудан, денеска доби дозвола од шведската полиција утре да организира протест пред Турската амбасада во Стокхолм.
<!–/*
* The backup image section of this tag has been generated for use on a
* non-SSL page. If this tag is to be placed on an SSL page, change the
* 'http://ads.365.mk/www/delivery/…'
* to
* 'https://ads.365.mk/www/delivery/…'
*
* This noscript section of this tag only shows image banners. There
* is no width or height in these banners, so if you want these tags to
* allocate space for the ad before it shows, you will need to add this
* information to the tag.
*
* If you do not want to deal with the intricities of the noscript
* section, delete the tag (from … to ). On
* average, the noscript tag is called from less than 1% of internet
* users.
*/–>
Палудан за време на протестот планира да го запали Куранот. Во исто време најавени се демонстрации на протурски и прокурдски групи.
Шефот на шведската дипломатија Тобијас Билстром денеска изјави дека Шведска ја почитува слободата на говорот, но одби да коментира како протестот на Палудан, одобрен од полицијата, ќе влијае на кандидатурата на Шведска за НАТО.
Турција одбива да ги одобри кандидатурите на Шведска и Финска за членство во НАТО, барајќи од Стокхолм да ги сузбие курдските и другите групи кои Анкара ги смета за терористи. Шведска ја увери Турција дека нема да дозволи терористички групи на нејзина територија.
Но, прокурдските и анти-НАТО групи ги искомплицираа односите меѓу двете земји со организирање антитурски демонстрации. На минатонеделните протести пред градското собрание во Стокхолм беше обесена кукла со ликот на турскиот претседател Реџеп Тајип Ердоган, што ја налути Владата во Анкара.
Палудан, кој има и шведско државјанство, веќе организираше слични протести во Данска и Шведска, од кои некои предизвикаа насилни контра-демонстрации.
Извор: МИА
