Бразилка роди бебе тешко 7,3 килограми

Клеидијана Сантос дос Сантос го родила синот Ангерсон на 18 јануари со царски рез. Таа била хоспитализирана во болницата Падре Коломбо на рутински консултации, но лекарите потоа сфатиле дека бебето е преголемо за мајката да го носи до полниот термин, па ја породиле . Ангерсон е во инкубатор и со тежина од 7,3 килограми и должина од 59 сантиметри и се верува дека е најголемото бебе родено во Амазон, една од 26-те сојузни држави во Бразил.

И мајката и детето се во добра здравствена состојба, пишува Дејли Мејл.

Во Бразил рекордот за најголемо бебе го држи Адемилтон дос Сантос, кој е роден со царски рез во 2005 година. Тој тежел 8 килограми. Најголемото бебе некогаш родено е Ана Бејтс. Девојче тешко 10,2 килограми е родено во 1955 година во Италија.