Најчестите митови за појадокот во кои треба да престанеме да веруваме

И покрај фактот дека многу истражувања покажале дека појадокот е најважниот оброк во денот, некои луѓе сепак решаваат да го прескокнат или да го изедат предоцна.

Покрај тоа, има и такви кои воопшто не размислуваат што внесуваат во своето тело кога појадуваат, пренесува Health Shots. Затоа нутриционистката Каришма Чаула сподели неколку митови за појадокот во кои многу луѓе сè уште веруваат, а не треба.
МИТ: Кога се обидувате да изгубите тежина, најдобро е да го прескокнете појадокот

Кога постиме подолго од потребното, тоа може да ја влоши состојбата на нашиот организам и да го забави метаболизмот. Нутриционистката објаснува дека појадокот наутро е неопходен бидејќи го забрзува нашиот метаболизам, го намалува ризикот од ниско или високо ниво на шеќер во крвта, но и значително го намалува ризикот од прејадување во текот на денот. Дополнително, појадокот заситува и ги активира нашите телесни функции за да бидеме што е можно повеќе подготвени за новиот ден.
МИТ:Јаглехидратите и протеините не одат заедно

Наместо обилен оброк, обидете се да внесете есенцијални хранливи материи во вашиот појадок, советува нутриционистката, објаснувајќи дека појадокот треба да биде комбинација од јаглехидрати, протеини, влакна и здрави масти. Значи, митот дека не можеме да јадеме јаглехидрати и протеини заедно не е точно, туку токму спротивното. Јаглехидратите и протеините го зголемуваат метаболизмот и стапката на согорување на мастите.
МИТ:Појадокот мора да биде најбогатиот оброк во денот

Општо е мислењето дека поголем појадок и полесна вечера го поттикнуваат согорувањето на калориите, а со тоа и губењето килограми. Сепак, ова можеби не е вистина. Истражувањето објавено во списанието Cell Metabolism покажа дека консумирањето големи количества калории наутро не им помага на луѓето да ослабат повеќе отколку конзумирањето на истите тие калории подоцна во текот на денот.
„Препорачаната големина на порција за појадок главно зависи од висината и тежината на личноста, како и од активностите во текот на денот“, објаснува нутриционистката.
МИТ:Во ред е да појадувате доцна

Појадок кој се состои од сложени јаглехидрати и посни протеини мора да се јаде во рок од еден час по будењето, објаснува нутриционистот. Во спротивно, ќе согориме помалку телесни масти.
„Храната што се консумира за време на појадокот влијае на тоа што ќе го јадете остатокот од денот, помага во балансирање на нивото на шеќер во крвта и ја продолжува ситоста“, вели нутриционистката, додавајќи дека оние кои страдаат од хроничен замор треба да појадуваат и во рок од еден час по будењето. Затоа, не се препорачува да појадувате предоцна.

МИТ:Започнувањето на појадокот со кафе е најдобриот начин да се разбудите
Многу луѓе погрешно мислат дека пиењето на омиленото кафе пред појадокот е одличен начин да се разбудите наутро. Меѓутоа, киселината и кофеинот, од кои има многу во кафето, можат да имаат исклучително лошо влијание на празен стомак, да ни го нарушат варењето и да предизвикаат варење, грчеви, па дури и да резултираат со непријатни киселини. Затоа, нутриционистот вели дека е попаметно да се пие кафе после појадок, односно никогаш на празен стомак.