Литванскиот МНР повика на протерување на руските амбасадори од сите членки на ЕУ
Литванскиот министер за надворешни работи Габриелиус Ландсбергис ги повика земјите-членки на Европската унија повеќе да не бидат домаќини на руските амбасадори.
<!–/*
* The backup image section of this tag has been generated for use on a
* non-SSL page. If this tag is to be placed on an SSL page, change the
* 'http://ads.365.mk/www/delivery/…'
* to
* 'https://ads.365.mk/www/delivery/…'
*
* This noscript section of this tag only shows image banners. There
* is no width or height in these banners, so if you want these tags to
* allocate space for the ad before it shows, you will need to add this
* information to the tag.
*
* If you do not want to deal with the intricities of the noscript
* section, delete the tag (from … to ). On
* average, the noscript tag is called from less than 1% of internet
* users.
*/–>
Додека растат дипломатските тензии меѓу балтичките земји и Москва поради руската инвазија на Украина, Ландсбергис им рече на новинарите за време на посетата на Рига, главниот град на соседна Летонија, дека „не е од корист да се има руски амбасадор во европска престолнина“.
Руските амбасади „во повеќето случаи веќе не се дипломатски институции, туку пропагандни институции кои кријат воени злосторства и генерално промовираат геноцидна агенда“, оцени тој.
Литванија го намали нивото на дипломатските односи со Москва и го протера рускиот амбасадор во април 2022 година, по масакрот во украинскиот град Буча.
Минатата недела Естонија објави дека го протерува рускиот амбасадор како возвратна мерка, откако Кремљ го прогласи естонскиот амбасадор за персона нон грата.
„Го почитуваме принципот на реципроцитет во нашите односи со Русија“, соопшти тогаш естонското Министерство за надворешни работи, додавајќи дека рускиот амбасадор треба да си замине во исто време како и неговиот естонски колега, на кого Москва му го постави 7 февруари како краен рок за напуштање на руската територија.
Летонија, третата балтичка држава, најави дека поради солидарност со Естонија ќе го протера и рускиот амбасадор и ќе го повлече својот амбасадор од Москва.
МИА
