Фармацевтите откриваат: Што значат различните бои на лековите и на што треба да обрнете посебно внимание

Дали сето тоа е маркетиншки трик?

Сигурно сте забележале кога сте земале лекови за настинка или некоја друга болест, дека некои од нив се обоени. Иако повеќето лекови се со бела боја, пилулите и антибиотиците обично можат да бидат шарени – поточно, тие се состојат од две бои.

Но, што всушност значи бојата на нив?

Фармацевтот Абас Канани откри дека боите всушност немаат врска со самите лекови колку што се мудра маркетиншка одлука. Како што вели, бојата на пилулата ја одредува производителот и нема никакво влијание врз ефикасноста на лекот. Честопати ова се маркетиншки избори.

Претходните истражувања покажаа дека црвената, жолтата и портокаловата боја се поврзани со стимулирачки ефект, додека сината и зелената се поврзани со смирувачки ефект.

„За многу пациенти, однапред замислените верувања пред да земат лек често може да влијаат на нивниот исход, во однос на ефикасноста на лекот и несаканите ефекти. Ова е познато како плацебо ефект, каде фармаколошкото дејство влијае на пациентот“, рече овој фармацевт и додаде дека треба да ги избегнувате оние најскапите, бидејќи во повеќето случаи се работи за маркетинг и за самиот бренд.

Дополнително, тој предупреди дека најважното нешто што треба да го направите пред да купите лек за настинка и грип е навистина да ги согледате своите симптоми, бидејќи не сакате да трошите пари на производ што всушност нема да ги ублажи.

Постојат три типа состојки кои можат да направат вистинска разлика, во зависност од тоа како се чувствувате – првиот е деконгестив (познат и како вазоконстриктор) ако имате затнат нос, вториот е експекторанс, а третиот е средство за сузбивање на сува кашлица.